مقتل الفنان تامر ضيائي.. بعد شجار مع أشخاص مجهولين

صدى نيوز - أعلنت عدد من المواقع المصرية قبل قليل عن وفاة الفنان تامر ضيائي، بشكل مفاجئ، وقالت المواقع إن الوفاة جاءت بعد معاناة مع المرض، حيث كان الفنان المصري قد تعرض لجلطة أثرت على صحته قبل مدة.

ونعى الفنان عمرو عبدالعزيز مواطنه عبر حسابه في الفيسبوك قائلًا: "كدة يا تامر تمشي فجأة كدة وتخضنا كلنا، لا إله إلا الله، الله يرحمك يا حبيبي ويجعل مثواك الجنة يا رب العالمين.

فجر نقيب الفنانين في مصر الفنان أشرف زكي، مفاجأة صادمة في وفاة الفنان المصري ضيائي، في تصريحات جديدة لعدد من المواقع المصرية.

وكشف زكي إن وفاة الفنان تامر لم تكن بسبب وعكة صحية، حيث انه تعرض للقتل على يد مجموعة من الأشخاص بعد خوضه شجارًا معهم خلال تواجده مع زوجته التي تتلقى علاج كيمائي.

وقال زكي بحسب موقع الوطن المصري، إن الأشخاص الذين تشاجر معهم الفنان الراحل، تسببوا بوفاته، وانهم غادروا المكان ويتم حاليًا اجراء التحقيقات للقبض عليهم وانزال العقوبات اللازمة بهم.

جاءت وفاة الفنان المصري بعد ما يقارب الشهرين من كتابة وصيته عبر حسابه الخاص في فيسبوك حيث كتب: "ده هيفضل باين عل  صفحتي لحد ما أموت.. الحقيقة اللى كلنا عارفينها ومتأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعاً مش هعرف أقولها لحد".

وأردف الفنان الراحل: "ودي وصيتي.. أولا صلاة الجنازة أهم من العزا وهى اللى كل ما العدد زاد كل ما ثوابى ما كان أكتر، فأرجوكم تصلوا عليا وثانيا مش شرط تيجى العزا وياريت لو اتعمل فى البيت أو مكان بسيط بفلوسه تطلعولى صدقة جارية أفضل، وثالثا من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وادعولى الوقت اللى هتقروا فيه جزء فضوا نفسكم واقعدوا ادعوا فيه، رابعا  بلاش صدقة جارية تقليدية وسهلة ومش مستفاد بيها، يعنى المصاحف كتير فى مصر أوى وكل بيت فيه كتير، فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة".

واستطرد قائلًا: "خامسا دى نقطة مهمة أوى بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللى عندهم ومفيش حاجة بتقول إن العياط معناه عدم رضا بقضاء ربنا "وابيضت عيناه من الحزن فهو كظيم"، وسادسا أهم حاجة تانى هى الدعاء وبس والصدقة، وسابعا من فضلكم تكثفوا الدعاء وقت نزول القبر وتتصدقوا بأى حاجة بنية إن ربنا يجعل قبرى روضة من رياض الجنة ويثبتنى عند السؤال لأن ده أهم وقت ليا ويا ريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى".

واكمل منشوره: "وثامنا الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى، وتاسعا اللي بيحبوني يدعولى كتير عشان لو مفيش حد يدعيلى، وعاشرا ودى مهمة أوى أوى أوى عاوز الكل يسامحني على أي حاجة عملتها فيه بقصد لو بدون قصد".

وانهى المنشور قائلًا: "اللهم إن كثر موت الفجأة من حولي وكثر موت الشباب غفلة، فيارب إن كنت أنا القادم فأحسن خاتمتي ويسّر طلوع روحي وهوّن عليّ سكراتي فإني أحب أن أرحل في هدوء وسكينة وطمأنينة، ولا تقبض روحي إلا وأنت راضٍ عني لكي أكون عبدا مقبولا عندك حتى أليق بلقائك العظيم، وإن كان لي من العمر باقٍ فاغفر لي ذنوبي ومعاصي نفسي الأمّارة بالسوء واعفو عني وامحو لي كل ما يعرقل طريقي إليك وردّني إليك ردّاً جميلاً يا رب العالمين".