سامر إسماعيل يوضح سبب صورته مع بشار الأسد "مجبورين"

صدى نيوز - خرج العديد من نجوم سوريا للتعبير عن فرحتهم بعد سقوط نظام بشار الأسد وانتصار المعارضة السورية ودخولها إلى العديد من المدن بما فيها العاصمة السورية دمشق.

ومن جانبه حرص النجم السوري سامر إسماعيل على التعبير عن رأيه والخروج بفيديو مع ابنيه من اجل التعبير عن فرحته.

وقال نجم مسلسل العميل في الفيديو:"صباح الخير لكل الناس.. لكل السوريين بكل مكان.. بس بدي اقول الف مبروك لكل العالم على هاللحظة الي كنا ناطرينها النا سنين"

وأضاف: "هي معي ولادي ..بس يعني الشي الوحيد الي متحسرين عليه انه كل هاي سنين الحرب 13 سنة نحن حاولنا ما نطلع نحكي كرمال اهالينا والناس الي بنحبهم..  بس للاسف بهذا اليوم التاريخي انا بره البلد يعني ما بعرف شعور لا يوصف.. طار عنجد طار واخيرا"

واستطرد: " ما في ظلم بدوم..  الف مبروك تحررت سوريا ان شاء الله هاد الي صار يكون خير لكل السوريين في كل مكان واخيرا الناس راح تقدر ترجع على بلدها هاي الفرحة لحالها بتسوى الدنيا.. بدنا نرجع على حمص بدنا نحتفا كلياتنا مع بعض مع كل رفقاتنا الي كانوا بره وراح يرجعوا الله كبير والله الله كبير".

خلال البث المباشر وجه احد المتابعين سؤالًا للنجم السوري حول الصورة الشهيرة التي جمعته وعدد من زملائه في الفن بالرئيس السوري السابق بشار الأسد وقال: "اللي بيسالني ليه تصورت مع بشار.. الي بيعرف بيعرف والي ما بيعرف بقول فت عدس.. الصراحة السؤال ما بنسال.. الي ثورة طلعت ضده ليه طلعت ضده من ورا الظلم الي كان عنجد ما فيك تعمل اشي.. انا 13 سنة ما عملت اي شي اله علاقة بتاييد النظام.. بس هاد الوقت وقت الصورة كنا مجبورين.. لانه الضرر ما بكون على الواحد نفسه ممكن يؤثر على عيلتي الي بسوريا والكل بعرف هاد الاشي.. واخيرا الحلم تحقق وعاشت سوريا وسقط بشار الأسد