جيهان الشماشرجي تفجر مفاجآت: عملت قهوجية ودخلت التمثيل صدفة

صدى نيوز - كشفت جيهان الشماشرجي عن مفاجآت من حياتها الشخصية، حيث عملت كـ"قهوجية" قبل دخولها عالم التمثيل بالصدفة، وحسمت نجمة مسلسل إخواتي الأمر  حول خضوعها للتجميل.

وأدهشت جيهان الشماشرجي الجمهور بعملها في إحدى الورش، في إعداد القهوة والمشروبات من أجل تعلم صناعة الحلي، وذلك خلال حلولها ضيفة مع نجوم مسلسل إخواتي مع برنامج منى الشاذلي، معكم.

وكشفت جيهان الشماشرجي عن عملها في صناعة الحلي لمدة 15 عاماً قبل التمثيل، قائلة: "لم يكن الأمر مجرد هواية، لأ شغل لمدة 15 سنة، ولابسه الأڤرول 24 ساعة وقاعدة في ورشتي، وكنت One man show، يعني أنا اللي برسم الديزاين، وأنا اللي بنفذه، وأنا اللي بسيح وبلحم، وبنشر كل حاجه وبتطلع قطعه في الآخر، يعني كل حاجة كنت أنا اللي بعملها، لأن مكنش معايا ناس، وفضلت كده لحد ما مثلت بقي".

وعن دخولها عالم التمثيل رغم دراستها آداب إنجليزي، ولم تكن تهتم بالأمر قالت جيهان الشماشرجي: "قابلت حد عنده ورشه في حارة اليـهـود وقولتله عايزة أتعلم عندك والرlجل رفض طبعاً، وقالي إحنا صنايعية، وبنشتغل في ورشة صغيرة أوي وإنتي لسه صغيرة ومش هينفع.. قعدت أزن عليه كمية زن رهيب لحد ما وصلنا لاتفاق في الآخر إن أنا هشتغل عندهم بعمل شاي وقهوة للصنايعيه، وأتفرج عليهم بس وهما بيشتغلوا".

أضافت: "ده حقيقي ومكنش ليا مكان أقعد فالورشة؛ لأنها كانت ورشة صغيرة أوي والتربيزه اللي إحنا بنشتغل عليها اسمها (تزجه) فكانت علي عدد الصنايعية بالضبط وأنا واقفة فالكورنر جنب الشاي والقهوة بعملهم المشاريب بس عشان أتفرج عليهم.. ظليت على هذا الوضع لمدة تسعة شهور، ومكنتش قايلة لماما وقتها؛ لأنها مكنتش هتوافق طبعاً بس بابا كان دايماً يقولي اعملي اللي إنتي عايزاه انطلقي واشتغلي".

وعما إذا كانت تعمل في مهنة أخرى بالتزامن مع عملها في الورشة قالت جيهان الشماشرجي: "وقتها لأ، بس أنا بشتغل من وأنا فالجامعة يعني وبدرس اشتغلت كول سنتر اللي هو كنت عايزة بس أتعلم التواصل والحياة وكده.. وفضلت في الورشة لحد ما واحد من الصنايعية عمل حادثه بالموتسيكل وأيده إتكـىىىرت، فقولت لصاحب الورشة فرصتي أقعد مكانه بقي".

وأضافت: "وافق وقالي خلاص هاتي العدة بتاعتك وحاجتك، واشتغلي وبقيت أعمل كده وإيدي مشيت فالموضوع، فبدأ هو بقي يشوف إن أنا شغالة، فيقولي اعملي كذه وخلصيلي الحتة ديه، وكده لحد مخلاص أتعلمت الموضوع كله، وفتحت ورشتي أنا بقي وبدأت أعمل الديزاينات والحاجات المختلفة اللي أنا حباها اللي أغلبها جايه من الطبيعة، وكده غير شغل السوق يعني وقعدت 15 سنة بعمل كده.

وعن دخولها عالم التمثيل قالت جيهان الشماشرجي: "فضلت كدة لحد مجات فترة فحياتي سافرت بره مصر، وقرر إن أنا أهج ورحت برلين قعدت شويه، بس بعدها بشويه رجعت وبالصدفة دخلت التمثيل".

ونفت جيهان الشماشرجي اعتمادها على الفيلر لملء الوجنتين قائلة: "أعمل إيه أكثر من أني نزلت لهم صوري وأنا صغيرة بنفس الخدود، إحنا عيلتنا كلها كدة عندنا خدود سهير البابلي دي، وفي مرة لقيت واحد على تويتر منزي تويتة بيقول فيها إنه كان مع دكتور تجميل وبيقوله إن جيهان الشماشرجي دي حقنة كمية فيلر في خدودها ضخمة، فاستغربت وحسسني إنه قاعد جنبي وشايف الحقنة".