شيماء سيف تكشف عن سر خسارتها 50 كغم من وزنها

صدى نيوز -أعلنت الفنانة شيماء سيف عن خضوعها لعملية تكميم معدة بعد تعرضها لأزمة صحية بسبب وزنها الزائد، حسب تصريحاتها لبرنامج (كلام الناس) الذي تقدمه ياسمين عز عبر شاشة (MBC مصر).

وقالت شيماء سيف:(عملت عملية تكميم معدة، أنا صاحبة مقولة ليه أعمل رجيم وأنا قدامي شوكولاتة ولامكرونة بشاميل، بس لو نفتكر، أنا بردو اللي كنت بطلع أقول أنا الحمدلله صحتي كويسة، لو حصل لصحتي حاجة، إلا صحتي، وحصل، والسنة اللي فاتت رجلي بدون سابق إنذار وركبتي مش قادرة أتنيها).

وعن نجاح عملية تكميم المعدة قالت: (بتخسي تدريجي بس أول فترة بتزلي 20 كيلو فجأة بعد العملية وبعد كده بتنزلي كل شهر 6 كيلو ودي حاجة مفرحة جدًا وبتقعدي تبصي على الميزان وتقولي ده أنا، ونزلت لحد دلوقتي 50 كيلو وراضية عن شكلي جدًا وكان نفسي أوقف على كده وأكتر حاجة مبسوطة منها بعد العملية أني بقيت بركع وأنا بصلي، وكنت بصلي على كرسي زي الناس الكبار ومبقتش مصدقة نفسي).

واستكملت: (ودي حاجة حلوة أوي وحاجة صحية ويارب ان شاء الله يديم علينا كلنا الصحة، وانا شاكلي اللي بره ده مش فارق لي في أي حاجة، ولا كان فارق لي في الأول ولا دلوقتي وأنا كان فارق لي في الأول أني كويسة وسليمة ودلوقتي، ولما خضت التجربة دي اخدت مميزات أكتر بقيت خفيفة بتمشي بتروحي إنما كشكل بره انا شايفة نفسي هي هي، وبتفرج على نفسي في الفيديوهات القديمة بتخض وزمان ماكنتش بشوف نفسي كده، وكنت بشوف نفسي زمان قمر ).

وأضافت:("ومتاح ليا أني أكل كميات أكل معينة، وأنا كشيماء مش عايزة انا خلاص دخل دماغي أني اكل خضار سوتيه وبقيت مبسوطة بكده ومعرفش ايه اللي حصل بجد ومش عايزة برضه ابقى الشكل اللي اختلف تمامًا، نفسي أثبت ومش قادرة أرجع للأكل مبقتش حاباه وبقى فيه بيني وبين الأكل عداوة اللي هو انت الأكل اللي وجعت لي رجلي مش عايزاه).